« Opitulante Deo, precepto reverendissimi in Christo Patris et domini domini Guidonis de Roia, Remorum archipresulis, ego frater Petrus Herardi, Remensis, ordinis fratrum Predicatorum, volumen istud confeci, quo textus Valerii Maximi correctior et clarior haberi potest et historiarum ejusdem fundus et origo perplene cognosci. Quod manu propria cursoris transcripsi, complevique illud Dei gratia primo die augusti anno Domini millesimo CCCCmo nono, quo anno dominus meus et Remensium reverendissimus pergens ad consilium Pisanum Deo spiritum reddidit. Amen »